Въꙁпѧть

Ѡсьмь честии1 слова, ѥлико глаголѥмь и пишемь.
Їѡана Дамаскина. Прѣлогъ Їѡана Еѯарха. Издание Ꙗгища(Jagića) 1896. Прѣпьсано Ѻгн҄еметъ(мене)

 По божію ѡбразѹ сьзданьномѹ чловѣкѹ и слова почьтеньномѹ саномь, сего чести2 имиже сьстоить се3 не безь ѹченїа ѡставити4 потрѣба. аще бѡ и кромѣ сихь вь дѹши сьстоить се3 слово, ꙗкоже ѹчеть богоносни ѡтьци, нь5 кь вьторомѹ рожденію пльти, ѥже6 ѹстнами и гласомь изꙕвлꙕемѹ7 и прочими сего ѡрѹдьми пльти, тогда и честии8 кь сьставленїю тѣбѹеть. кромѣ бѡ сихь изьꙗснити о нихьже слово немощно.
 Сѹть9 же ѹбо слова честии3 ѡсмь ѥлика глаголемь и пишемь· вьнѣ сихь ничтоже ѥсть. сѹть же сїе· име, рѣчь, причестие, различіе, мѣсто-имене, прѣдлогь10, нарѣчіе11, сьѹзь. и сихь ѡсмь честии3 нѣкые имѹть и вь себѣ раздѣленіа, ꙗко же се· име ѹбѡ дѣлить се3 на трое· вь мѹжьско и женьско и срѣднѥ. име же глаголѥть се3 ꙗко имать подлежеще сѹщьство ѡ немьже12 ѥсть слово и име13. ꙗвлꙗеть3 же сице· мѹжьско име· богь, ѡтьць, сынь, дѹхь светь, господь, аггель14, чловѣкь, Петрь, Павль, Вьздѹхь, вѣтрь, мѣсець14, скѣть и ѥлика симь подобна. женское же се· троица светаа, богородица15, дѣва, дѹша, лѹна, землꙗ, вода и симь подобнаа. срѣдиѥ же име· ѥстьство, сѹщьство, царьство, владычьство, небо, чловѣчьство, и прочаа сицева. и нѣкоа сихь и кромѣ ѹказа различїа ꙗвѣ сѹть, нѣкоꙗ же трѣбѹють кь ꙗвленію различіа. что же ѥсть различіе, по малѣ ѹкажемь. и кромѣ ѹбѡ различіа ꙗвлꙗемаа имена ѡтьсѹдѣ познакають се· мѹжьскѡмѹ ѹбꙍ имени16 сьврьшеніе ѥрь скончаваеть, женьскѡмѹ же азь, срѣднѥмѹ же онь.
 И пакꙑ коеждо име дѣлить се3 на паденіи петь, ꙗже сѹть сіе· прака, родна, виновна, дателна, звателна. сіа ѹбѡ о мѹжи сице глаголють се3· права чловѣкь, родна чловѣковь, квиновна чловѣка, дателна чловѣкѹ, звателна ѡ чловѣче. о имени же женьскѡмь сице глаголють17 се сіа· прака жена, родна женина, виновна женѹ, дателна женѣ, звателна ѡ жен0. срѣднѥмѹ же имени18 сице послѣдѹють подьпаднаа· права ѥстьство, родна ѥстьствово19, виновна ѥстьство, дателна ѥстьствѹ, звателна ѡ ѥстьство. сѹть же нѣкаа имень мнѣщаа30 се быти21 мѹжьскаа, приложенѹ же кь симь различію, ꙗвлꙗють се17 женьскаа· не бо азомь скончавають се17, нь ѥромь, ꙗкоже и мѹжьскаа, ꙗже23 сѹть сіа· крькь, соль, трьсть23, прьсть. и просто глаголѥма мнеть се мѹжьскаа, сь различіемь24 же ꙗвлꙗють се17 женьскаа30. сѹть17 же и вь срѣднѥмь имени не кончавающе се ономь, нь ѥстѡмь, ꙕкоже· сльнце25, ѡрѹжїе, копіе. тѣмь2? же и семѹ потреба кь ꙗвленію различіа. сѹть17 же и вь женьскомь имени ꙗже не скончавають17 се на азь, нь на и, ꙗко· мати27, свекри, дьщи. да ѡва ѹбѡ имень сь различіемь, ѡва же и кромѣ сего ꙗвѣ сѹть кые чести бывають. сѹть бо и вь мѹжьскомь имени ꙗже не на ѥрь коньць имѹть, нь на и, ꙗкоже ками, гвоздии28, чрьвии29, и таковаа.
 Сѹть же вь именехь30 и дрѹгаа20 раздѣленіа, вь мѹжьскомь же кѹпно и женьскѡмь и среднѥмь. ѡваа ѹбѡ имень ꙗвлꙗють17 се ѡбщаа всемѹ ѥстьствѹ, (ова же собна коемѹждо сьставѹ)31, ꙗко се32· вь мѹжьскѡмь имени всемѹ ѥстьствѹ (обще име ѥсть33) мѹжь, собное же сьставꙍмь Петрь, Павль. вь женьскѡмь же ѡбще всемѹ ѥстьствѹ име эсть жена, собное же сьставѡмь Сарьра, Аньна. вь срѣднѥмь же имени ѡбще всемѹ ѥстьствѹ ѥсть име сѹщьство, собное же сьставѡмь· небо, дрѣво, желѣзо.
 Сѹть же вь именехь34 и числа· едино, двоино, множно. и ѹбо едіноѥ прѣдьꙗвихѡмь. двоино же ѥсть се· права чловѣка, родна35 чловѣкѹ, виновна35 ꙗкоже и права35, дателна35 чловѣкома, звателна ѡчловѣка. вь женьскомь17 же имени двоина сице· права женѣ, родна35 женинѣ, дательна35 женама, виновна35 ꙗкоже и права35, звательна35 ѡ женѣ. вь срѣднѥмь же двоинаа сице сѹть· права35 ѥстьствѣ, родна35 ѥстьствѹ, виновна35 ꙗкоже и права35, дателна35 ѥстьствома, звателна35 ѡ ѥстьствꙓ. множнаа36 же сице сѹть· права35 чловѣци, родна чловѣкьь, виновна35 чловѣкы37, дателна35 чловѣкѡмь, звателна35 ѡ чловѣци. вь женьскѡмь17 же имени множнаа сице· права38 жены39, родна38 женьь, виновна38 жены, дателна38 женамь, звателна38 ѡ жены39. срѣднꙗго же имени множнаа сице· права38 ѥстьства, родна38 ѥстьствовьь, дателна38 ѥстьствомь, виновна ꙗко же и права38, звателна38 ѡ ѥстьства.
 Послѣднѹюща же именомь сѹть петь· роды, виды, начрьтаніа, числа, падежи. и ѹбѡ роды сѹть трьѥ· мѹжьскыи40, женьскыи40 срѣднїи. видь же именьь40 дѣлить се42 вь сіа· вь прьвобытно и дѣиствьно и повѣстнѡ41 и рододатнѡ. прьвобытнѡ ѥсть се· всакь чловѣкь, не бо ѡть иного пріѥть се. дѣистьвное же се, ꙗко ѡть дѣиства прозываеть се42, ꙗко се· ковачь, дрѣводѣлꙗ. ѡть рода же ꙗко се· манїакь, шѹме. ѡть повѣсти же, ꙗко се· ѡбѣшеникь. ѡбѣшеніи бѡ подасть всемѹ родѹ ѡбѣшеніа име. начрьтаніа же инаа сѹть любомѹдрьства хитрости и инаа рѣчеточьства, дрѹга же писменьнаа· писменьнаа43 же здѣ ꙗвимь, ꙗко послѣдѹющаа честемь слова. начрьтаніа же сѹть ѡва проста, ѡва сложна, ѡва же прѣсложна. и ѹбо проста глаголють се42, ꙗко ѡть единое чести слова сьстоеть се42, ꙗко се· Петрь, Павль, Ѳома, Милошь, Даргошь. сложна же· Доброславь, Радославь, Добромирь. всако бо сихь ѡть двою честию44 слова слагаеть се43. ино бо Добро, ино же Слава· и дрѹго Радость, ино же Слава·и ино Драго, дрѹго же Мирь. ѡва бо ѡть сихь сѹть нарѣчіе, ѡва же име мѹжьскѡ, женьско или срѣдне45. что же ѥсть нарѣчіе, вь своѥмь чинѹ ѹкажеть се42, имена46 же прѣднаписаше се. прѣсложно же ѥсть се, еже ѡть трехь честии47 слова слежить се43, ꙗко се· благовѣстьникь, благопроизволнь, бѣдноѡтьѥмлемь, злопрїетьнь, и елика такова.
 Сѹть же не тьчію вь именехь30, вь мѹжьскѡмь и женскѡмь и срѣднѥмь, нь и вь рѣчехь48 послѣдѹющаа сложна и прѣсложна· ѡть ихже честии47 слежеть се42 ꙗвлꙗють се42 вь раздѣленіи49 честии47. и ѹбѡ роды и виды и начрьтаніа сказахомь, числа же· едино50, своино50, множно. паденіа же· праваа, роднаа, дателнаа, виновна, звателна. и ѹбѡ ѡ имени по силѣ ѡть честии47 сказахомь· ѡ малихь же сихь и прочаа любоѹчнимь ꙗвѣ бѹдеть, ꙗже ѡ имени. понѥже прѣдварше рѣхѡмь, ꙗко ѡсмь честии47 сѹть слова, име же вь сихь ꙗко ѡснованіе. проеѥ бо чести ѡглаголаніа сѹть именѹ· ѡ имени бѡ глаголють се51, ꙗвлꙗюще страсть52 или дѣиство егоже ѥсть име страждѹщаго или дѣиствѹющаго, множае53 же инихь рѣчь. сего ради рѣчь прѣжде ѹставихомь изьꙕснити54.
 Рѣчь же ѥсть честь словѹ непадающи, сказателна55 лицѹ и врѣмени, дѣиствѹ же и страсти и ѡбѣма вькѹнѣ, ѡть коего лица дѣиствѹеть31 се или страждеть и вь кое̄ врѣме. и сего ради глаголѥть се56 рѣчь, ꙗко разчинающи лица же и врѣмена, дѣиство же и страсть и ѡбоꙗ вькѹпѣ. и ѥгда показѹѥть коегождо лица дѣиство, сице глаголѥть рѣчь. Петрь ѹчаше, Паѵль посилаше, Матьѳеи благовѣствоваше. и се ꙗви дѣиство мимошьдьшаго врѣмене. егда же ли глаголѥть· Петрь ѹчить, Павль посилаеть, Матьѳеи благовѣстѹѥть, се ꙗви дѣиство настоеюаго врѣмене. егда же ли глаголѥть· тіи вамь бѹдѹть57 сѹдїе, ли ти вамь сѹдеть, ꙗви дѣиство бѹдѹщаго врѣмене58.
 Се ꙗви рѣчь дѣиство минѹвьшаго и настоещаго и бѹдѹщаго врѣмене, на три бо дѣлить се врѣме. ꙗви же и коего залога сѹть, сирѣчь дѣиствьнаго· дѣиство бо бише реченаа, а не страсть. страдалнаго же залога сѹть сіа· Христось распеть се51, сльнце59 помрьче, каменіе распаде се· Христось Распнеть се51, сльнце59 помрькнеть60, каменіе распадеть се51. се ꙗви рѣчь мимошьдьшаго и настоещаго и бѹдѹщаго врѣмене страсть.
 И ѹбо залогь дѣиства и страсти сказахѡмь вь сихь кыше реченьныхь. ѡбою же кѹпно, сирѣчь дѣиства и страсти залогь, еже глаголѥть се51 по срѣдѣ дѣиства и страсти рѣчь, по раздѣлѥніи врѣмене скажемь, тогда бо благоꙗвлѥнѣѥ бѹдеть. нинꙗ же послѣдѹюща рѣчи скажемь, ꙗже сѹть се· изложеніе, залогь, виды, начрьтаніа, числа, ѡбразы, врѣмена и сѹпрѹжьства.
 Изложеніе же ѥсть се· волꙗ дѹши износима гласѡмь, рѣчїю ꙗвлꙗѥма. волꙗ же дѹше вь сихь петь словьь ѡбьдрьжить се51. вь повелѣнномь, вь милитвьномь, вь вьпросномь, вь звателномь, вь повѣстномь61, ꙗже изложеніа наричють се51. ѥсть же и дрѹгое изложеніе, еже зоветь се51 неѡбавно· не бо можеть изьꙗвити само ѡ се꙯бѣ лица ли врѣмене62 или залога ни же63 иное коѥ послѣдѹющихь рѣчи. сего радиѥсть эгда и име нарицаѥть се64. тѣмь64 же и различіѥ именѹ пріемлѥть, ꙗкоже се· ѥже чисти пользно, еже ѣсти65 потрѣбно, ѥже играти ѹкорно. кромѣ же различіа глаголѥмоѥ неѡбавно сь иними же честми слова вьставлꙗѥмо бываеть вѣщь именѹ или рѣчи испльнꙗющи сьвѣть дѹши, ꙗко се· повелѣваю ти быти· повелѣваю рѣчь ѥсть, ти мѣсто-имене, быти неѡбавно. да ѹбѡ рѣчь. сего ради неѡбавноѥ вьчьтеть се сь изложенми, аще и ѡ севѣ само кь изложенію силы не имать. тѣмь64 же и нарече се неѡбавное.
 Залогь же послѣдѹющи рѣчи что ѥсть, ꙗвихѡмь вь послѣдѹющихь рѣчи.
 Видь64 же многоѡбразнѣ глаголѥть се, вь любомѹдріи66 и рѣчеточьствѣ и именехь30. что же ѥсть видь вь рѣчехь, ꙗвимь, видь глаголѥть се17 рѣчи дѣлимѣи67 на двоѥ, вь прьвоѡбразное и прѣводное, ꙗко се· прьвоѡбразноѥ пріимѹ, хокю· прѣводноѥ же· вьсхокю68, вьспріимѹ· ѡть прріетіа бѡ вьспріетіе и прочаа69 таковаа.
 Подобно же и начрьтаніа многоѡбразнѣ глаголють се17. что же есть начрьтаніе вь рѣчехь, скожемь. начрьтаніе ѥсть знаменіе рѣчи, проста ли ѥсть или сложьна и(ли прѣсложьна)70. проста· дамь, сложна· вьздамь, прѣсложна· вьсдамь ѥмѹ.
 Числа же колика сѹть вь именехь71 ꙕвихомь. что же сѹть вь рѣчехь, скажемь. дѣиствьные рѣчи числа сѹть сіа· творѹ, твориши, творить, творива, творита, творимь, творите, (твореть)72. страдателна же· бию се, биѥши се73, биѥть се17, биева се, (биета се)72, биемь се74, биете се, биють се37. се и вь рѣчехь ꙗвихѡмь числа. число же глаголѥть се51, ꙗко ѡть единиць множна сьчитаеть.
 Лица же вь рѣчехь сѹть се. что же ѥсть лице; рѣчь юже глаголѥть кто ѡ себѣ или кь нѥмѹ же ѡ нѥмь75 глаголѥть или о иномь не сѹщимь тѹ. колико лицьь; три· прьвоѡ, вторѡ и третіе, ꙗко се· глаголю азь, глаголѥши76 ты, глаголѥть онзи. и се ѹво лица ꙗвихѡмь. сѹть же и двоина и множина, ꙗкоже и вь именехь71 прѣдꙗвихѡмь.
 Врѣме же ѥсть сьпротезаемо мира сьставлѥніе, вь немже всако мѣрить се77 движеніе, ли звѣздьь, ли животь78, ли что таковыхь. ѡтьсѹдѹ и дѣиства рѣчи и страсти рѣчи и посрѣднѥѥ дѣиства и страсти рѣчи вь срѣменѣ бываемые врѣмена глаголють77 се. раздѣлꙗѥть77 же се врѣме се на троѥ· вь прѣдьбывшеѥ, вь настоѥще, вь бѹдѹщее. и пакы дѣлить се прьдьбывшее вь четыри· вь протеженое79, вь непрѣдѣлное, вь надьпрѣдѣлѥмоѥ, вь прѣдьлежимоѥ. настоѥщеѥ же недѣлимо ѥсть. бѹдѹщеѥ80 же вь двое дѣлить се77· вь помалѣ бывающеѥ и вь бѹдѹщее. глаголють77 же се врѣмена дѣиствьнѣ сице· прѣдьбывшее протеженьноѥ· биꙗхь81, непредѣлное же· бихь81, двѣ же прочіи ѥзыкѹ непріетнѣ. настоещаго же· бию, вь помалѣ бываюаго· бити кю81, бѹдѹщаго же· бити81 имамь. страдалнаго же залога врѣмена сице глаголють се77· прѣдьбывшее протеженьное· биꙗхѹ ме81, непрѣдѣлноѥ· бише81 ме, настоещее· биють ме, помалѣ бывающее·бити ме те, бѹдѹщее· бити ме имѹть. по срѣдѣ же страсти и дѣиствл сице глаголють77 се врѣмена· прѣдьбывшеѥ протеженьное· биꙗхь81 се, непрѣдѣлноѥ· бихь се82, настоещее· бию се, помалѣ бывающее· бити се кю, бѹдѹщее· бити се имамь.
 Сѹпрѹжьства рѣчи окончаваема88 ...... ꙗко се· слова землꙗ, жена и прочаа женьскаго имене. егда же ли84 глаголѥмь различіе, ꙗже ꙗвихѡмь вь единицахь врѣднꙗго имене, правоѥ ꙗко се· небо, чювство, дрѣво, и прочаа срѣдніихь имень.
 Паденіа же имень различіа не трѣбѹють вь словѣньскомь езыцѣ ни же имѹть прѣдьчиньныхь· подьчиньныхь же имѹть двѣ, ѥже сѹть сіе· вь мѹжьскомь имени· егоже, ѥмѹже. и ѹбѡ егоже паденіа ѥсть роднаго, ѥмѹже дателнаго. вь женьскомь же имени подьчиньна сѹть три· ѥѥ, ѥи, ю же, и ѹбо ѥѥ паденіа ѥсть роднаго, ѥи дателнаго, ю же виновнаго, вь срѣднемь же77 еже и вь мѹжьскомь. и правыхь77 же имень различіа сь испитаніемь подьчиньнаа сѹть, аще и вь прѣдьчиньнаа пріемлють се. множныхь же имень мѹжскыхь различіе ꙗко и вь единомь· (права)85 иже, роднаа ихьже, дателнаа имьже. вь женьскыхь86 же именехь множна праваа ѥже, роднаа ихже, дателнаа имьже, вь срѣднѥмь77 же имени различіе множно право ꙗже, родно же и виновно87 ꙗкоже и вь мѹжьскѡмь и женьскѡмь. и ѹбѡ различіа вь еллиньскѡмь езыцѣ мнѡга сѹть· вь словѣнскомь же множае сихь ихьже рекохѡмь не вьмѣщають се. дѣлеть же се вь двоѥ· вь прѣдьчиньна и подьчиньнаа. и ѹбо прѣдьчиньнаа того ради глаголють се, ꙗко прѣдьварають чинь и слогь именѹ· подьчиньна же ꙗко послѣдѹюа симь. и елика прѣведохомь, подьчиньна сѹть, ꙗкоже прѣдьрекохѡмь. различіе же сего ради нарече се, ꙗко разньствѹе лица именѡмь, сирѣчь мѹжьскѡмѹ, женьскомѹ и срѣднѥмѹ. послядьствѹюща же различію сѹть сіа· роды, виды, числа. что же сѹть сіа, ꙗвихѡмь вь именехь30.
 И сіа ѹбо да зде.


Въ рукописи, по изданію Н. Дучича, такъ: 1) честыи 2) честы 3) сьстоитсе, дѣлитсе, глаголѥтсе и т.д. (безъ ь). 4) ѡставить 5) не 6) ѥст же 7) измꙗввлꙗемо 8) чести 9) сѹт же 10) прѣдь 11) наречіе 12) ѡ немже 13) въ рук. ѥстъ име (безъ слово) 14) аггел, мѣсец 15) богородыца 16) именѹ 17) безъ полуглаской ь: глаголют скончивают, сѹт, женьском 18) именѹ 19) ѥстьство 20) мнѣща̏, дрѹга̏, женьска̏ 21) быть 22) юже 23) стрьсть 24) различіемже 25) солнца(!?) 26) тѣмже 27) милости (ошибочно разрѣшеное мти) 28) гвозди̏ 29) чрьвы 30) именѣхь 31) пропущенныи слова внесены въ текстъ по русскимъ списканъ 32) сь̏ 33) что въ нашенъ текстѣ пропущено, читается въ русскихъ списнахъ 34) вь именѣ 35) въ подл. праваа, роднаа, виновнаа, дательнаа, звателнаа 36) мнѡжна̏ 37) чловѣке 38) въ подл. праваа, роднаа, виновнаа, дателнаа, звателнаа 39) въ подл. жене, но въ первоначальномъ текстѣ несомнѣнно было жены 40) въ подл. мѹжьскы̏, женьскы̏, имень̏, знакъ ̏ выражаетъ удвоеніе гласной 41) въ рукоп. повѣснѿ 42) въ рукоп. безъ ь: дѣлитсе, прозываетсе, сьстоетсе, ѹкажетсе, сложитсе и т.д. 43) въ рукоп. писменьа̀ же 44) рук. честѹ 45) рукоп. срѣднѣ 46) рукоп имѣна 47) рукоп. чести 48) въ рукоп. речахь 49) рукоп. раздѣлѥніа 50) единно двоинно 51) въ рук. глаголютсе, дѣиствѹетъ се и т.д. 52) въ рукоп. стрьсть 53) рук. многае же 54) у Дуч. изьꙗснитъ 55) описка сказьтелна 56) у Дуч. глаголѣт се 57) бѹдѹшть описка или опеч. изд. 58) врѣмена 59) у Дучича солнце(!?) 60) у Дуч. помьрькнетъ(!) 61) вьповѣсномь 62) врѣмена 63) у Дуч. и иже 64) въ подл. безъ ь: нарицаѥт се, тѣм, вид 65) ѥсти 66) вь любомѹдри̏ 67) дѣлимѣѥ 68) въ подл. описка хокю 69) проча̏ 70) въ подл. пропускъ 71) вь имѣнехь 72) прабавк. по смыслу 73) биѥшь се 74) биѥмо се 75) въ подл. ѡ нинемь 76) глаголѥм, д.б. опечатка вм. глаголѥшь 77) въ подл. безъ ь: мѣритсе, глаголѣт 78) такъ въ подл. животъ, не нужно исправлить въ животьныхъ 79) въ подл. теженое 80) у Дуч. бѹдѹште иже 81) быꙗхь, быхь, быти кю, быꙗхѹ ме, быше, быꙗхсе 82) въ подл. бихси 83) здѣсь въ текстѣ напечатанномъ Н. Дучичемъ большой пропускъ, незамѣченный издателемъ, Пробѣхъ легко восполмяется по русскимъ спискамъ, см. текст напечатанный подъ № 2 84) въ изд. ми 85) прибавл. по требованію смысла 86) у Дуч. женьскохь 87) вм. виновно смысхъ требуетъ здѣсь дательно